ബെംഗളൂരു: ഇന്ന് രാത്രി മുതൽ 14 ദിവസത്തേക്ക് സംസ്ഥാനത്ത് ലോക്ക്ഡൌൺ പ്രഖ്യാപിച്ച സാഹചര്യത്തിൽ കെ എസ് ആർ ടി സിയുടെ 500 അധിക ബസുകൾ ഇന്ന് സംസ്ഥാനത്തുടനീളം സർവീസ് നടത്തും.
ലോക്ക്ഡൌൺ പ്രഖ്യാപനം ഉണ്ടായ തിങ്കളാഴ്ചയും കെ എസ് ആർടി സി അധിക സർവീസുകൾ നടത്തിയിരുന്നു. അയൽ ജില്ലകളിൽ നിന്നും നഗരത്തിലേക്ക് തൊഴിൽ ആവശ്യങ്ങൾക്ക് എത്തിയിരിക്കുന്നവർക്കും പഠനാവശ്യങ്ങൾക്ക് എത്തിയിരിക്കുന്ന വിദ്യാർത്ഥികൾക്കും തിരിച്ച് വീടുകളിലെത്തുവാൻ വേണ്ടിയാണ് അധിക സർവീസുകൾ നടത്തുന്നത്. ലോക്ക്ഡൌൺ പ്രഖ്യാപനത്തിന് ശേഷം തിങ്കളാഴ്ച വൈകുന്നേരത്തോടെ ബെംഗളൂരു മെജസ്റ്റിക് ബസ് സ്റ്റാൻഡിൽ അതിഥി തൊഴിലാളികളുടേയും വിദ്യാർത്ഥികളുടെയും വൻ തിരക്ക് അനുഭവപ്പെട്ടിരുന്നു.
നോർത്ത് കർണാടകയിലെ ബിദാർ, കൽബുർഗി, റായ്ച്ചൂർ എന്നിവിടങ്ങളിലേക്കുള്ള ബസുകൾ ഇന്നലെ വൈകുന്നെരം 4 മണിയോടെ നിറഞ്ഞു കവിഞ്ഞു. ഈ സാഹചര്യത്തിലാണ് കെ എസ് ആർ ടി സി അധിക സർവീസുകൾ നടത്തിയത്.
ഇന്നലെ ഉണ്ടായതിലും അധികം ആളുകൾ ഇന്ന് ബസുകളിൽ യാത്ര ചെയ്യാൻ എത്തുമെന്ന് പ്രതീക്ഷിക്കുന്നതായി ഉദ്യോഗസ്ഥർ പറഞ്ഞു.
അതേ സമയം ഇന്നലെ നിരവധി ദീർഘ ദൂര സ്വകാര്യ ബസുകൾ കൊള്ള നിരക്ക് ആണ് ഈടാക്കിയത്.
തിരുവനന്തപുരത്തേക്ക് ഒരു സ്വകാര്യ ബസ് ഇന്നലെ ഈടാക്കിയത് 5500 രൂപ.എറണാകുളത്തേക്ക് 2250 രൂപയും കോഴിക്കോട് 2000 രൂപയും കണ്ണൂരിലേക്ക് 1250 രൂപയും ഈടാക്കിയ സ്വകാര്യ ബസുകൾ ഉണ്ട്.
ഹുബ്ബളളി, ബെളഗാവി, കലബുറഗി എന്നിവിടങ്ങളിലേക്ക് പല സ്വകാര്യ ബസുകളു 5000ന് മുകളിൽ ചാർജ്ജ് ചെയ്തതായും പരാതി ഉണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
